پریس ریلیز
9-6-2022
حیدرآباد ( ) حیدرآباد چیمبر آف کامرس اینڈ انڈسٹری عدیل صدیقی نے 8بجے شب کاروباری مراکز بند کرنے کے حکومتی فیصلے پر رد عمل دیتے ہوئے کہا کہ تاجر برادری پچھلے ادوار میں کویڈ جیسے وبائی امراض پر حکومت کے شانہ بشانہ قدم ملا کر کھڑی رہی ہے، 8بجے شب کاروبا ری مرکز بند کرنے سے بجلی کی بچت ہو رہی ہے تو تاجر برادری حکومتی فیصلے کے ساتھ ہیں، حکومت جو بھی قدم ملک اور معیشت کی بہتری کے لئے اٹھائی گی تو تاجر برادری کو ساتھ پائے گی، اللہ تعالیٰ نے ہما رے وطن کو 365دن رو شنی بخشی ہے اگر ہم کاروباری اوقات درست کرلیں تو 3500میگاواٹ بجلی کی بچت کی جا سکتی ہے، مشکل حالات میں اور حکومت کے مشکل فیصلوں میں تاجر برادری اپنے ملک کی سلامتی کی خاطر ہر قربانی دینے کو تیار ہیں۔ انہوں نے مزید کہا کہ اس بات کو یقینی بنایا جائے کہ کاروباری اوقات میں لوڈشیڈنگ زیرو کی جائے اور لائن لاسز کی کمی کے لئے اقدامات کئے جائیں،تاجر برادری ضلعی انتظامیہ سے بھرپور تعاون کرے گی۔
سیکریٹری جنرل
